დარწმუნებული ვარ დაცვის მხარე წარმატებით შეძლებს საკუთარი პოზიციის დამტკიცებას - განაცხადა ჟურნალისტებთან ხორავას ქუჩაზე მოზარდებს შორის მომხდარი მკვლელობის ადვოკატმა, ტარიელ კაკაბაძემ.
"დაცვის მხარისთვის უცნობია რამდენი მოწმე ეყოლება წარმოდგენილი ბრალდების მხარეს და ასევე უცნობია ამ მოწმეთა ვინაობები. სასამართლოში დავასრულეთ უკვე ისეთი მოწმეების დაკითხვა, ვინც ფაქტის თვითმხილველები არიან და რომლებიც არიან უშუალოდ ჩხუბის შემსწრე პირები. შესაბამისად მიგვაჩნია, რომ დღევანდელ მოწმეთა ჩვენებები არ იქნება განსაკუთრებულად მნიშვნელოვანი საქმისთვის, რათა საქმეზე დადგინდეს ჭეშმარიტება. ჩვენ მზად ვართ დავკითხოთ ნებისმიერი მოწმე, წარმოვადგინოთ სხვა მოწმეები, გამოვიკვლიოთ ნებისმიერი მტკიცებულება და მე დარწმუნებული ვარ დაცვის მხარე წარმატებით შეძლებს საკუთარი პოზიციის დამტკიცებას", - განაცხადა კაკაბაძემ.
ცნობისთვის, პირველ დეკემბერს, ხორავას ქუჩაზე მოზარდებს შორის სისხლიან გარჩევას, ორი არასრულწლოვნის სიცოცხლე ემსხვერპლა.
