ნარკოპოლიტიკა, რა თქმა უნდა, უნდა გადაიხედოს, მაგრამ არა იმ სახით, რომელიც საზოგადოების ნაწილში არის გავრცელებული, რომ უკლებლივ ყველა ნარკოტიკული საშუალების დეკრიმინალიზაცია და ლიბერალიზაცია უნდა მოხდეს - ასე გამოეხმაურა ჯანდაცვის მინისტრი, დავით სერგეენკო ნარკოტიკით ინტოქსიკაციის შემთხვევებს.
როგორც ის განმარტავს, ნარკოპოლიტიკის გადახედვა არ ნიშნავს უკლებლივ ყველა ნარკოტიკული საშუალების დეკრიმინალიზაციას და ლიბერალიზაციას.
„ნარკოპოლიტიკის გადახედვა ნიშნავს, რომ შემცირდეს მიწოდება და შემცირდეს მოთხოვნა, ანუ ზიანი. ეს არის დედააზრი. უკვე იყო რამდენიმე ნაბიჯი, მათ შორის საკონსტიტუციო სასამართლოს გადაწყვეტილებები მარიხუანასთან დაკავშირებით, ახლა უკვე ფინალურ სტადიაში არის ახალი კანონპროექტი, რომელიც იმედია იმ სახით ამოქმედდება, რომ მთავარი ამოცანა შეამციროს, მიწოდების და მოთხოვნის შემცირება“, - აცხადებს სერგეენკო.
