სომხეთის ოპოზიციური მოძრაობის ლიდერმა, ნიკოლ ფაშინიანმა სომხეთის პრემიერის კანდიდატობის წარსადგენად, პარლამენტის დეპუტატთა ერთი მესამედის ხელმოწერა შეაგროვა.
ამის შესახებ ოპოზიციური ბლოკი "იელქის" დეპუტატმა, არარატ მირზოიანმა დღეს ჟურნალისტებს განუცხადა.
"ჩვენ შევძელით ხელმოწერების შეგროვება პარლამენტის დეპუტატების ერთი მესამედისგან. ფაშინიანის კანდიდატურა ოფიციალურად იქნება წამოწეული დღეს ან ხვალ“ - განაცხადა მირზოიანმა.
ბლოკ „ცარუკიანის“ წარმომადგენელმა, დეპუტატმა ნაირა ზოგრაბიანმა ჟურნალისტებს განუცხადა, რომ მისი ბლოკის 31 დეპუტატიდან 27-მა უკვე ხელი მოაწერა დოკუმენტს. ბლოკ „ცარუკიანის“ გარდა, ფაშინიანის თანამდებობას მხარს უჭერს ფრაქცია „დაშნაკცუთუნი“ და „იელქი“.
"სომხეთის მმართველი რესპუბლიკური პარტია 8 მაისს ხმას მისცემს პრემიერის კანდიდატურას, რომელსაც პარლამენტის დეპუტატთა ერთ მესამედის მხარდაჭერა აქვს" - ამის შესახებ განაცხადა პარლამენტის საპარლამენტო ფრაქციის თავმჯდომარემ ვაგრამ ბაგდასარიანმა.
