70-ზე მეტი ადამიანი დაიღუპა და ათობით დაშავდა მძლავრი ქვიშის ქარის დროს, რომელმაც გუშინ საღამოს ინდოეთის რამდენიმე შტატი დაფარა.
მედიის ცნობით, ქარიშხალმა მოგლიჯა ხეები და წააქცია ელექტრო ბოძები, რის გამოც ბევრ რაიონში ელექტროენერგიის მიწოდება შეწყდა.
სტიქიისას უმეტესად ინდოეთის აღმოსავლეთ ნაწილი დაზარალდა. ხელისუფლების წარმომადგენლებმა უკვე გამოხატეს მწუხარება მომხდართან დაკავშირებთ და გარდაცვლილთა ოჯახებს მიუსამძიმრეს.
ქვიშის ქარი ასევე დაფიქსირდა დედაქალაქ დელის მახლობლადაც, თუმცა საბედნიეროდ მსხვერპლი არ მოჰყოლია. აღსანიშნავია, რომ უამინდობის გამო დელის მიმართულებით 15 რეისი გადაიდო.
