ტრიპოლთან ახლოს აღმოჩენილ ნავში ცხრა მიგრანტის ცხედარი იპოვეს. ისინი ხმელთაშუა ზღვის გავლით ლიბიიდან ევროპაში გადასვლის მცდელობის დროს დაიღუპნენ. გარდაცვლილთა შორის ერთი ბავშვია.
სავარაუდოდ ტრაგედია ორი დღის წინ მოხდა. „ადამიანები აგრძელებენ გარისკონ სიცოცხლე ევროპაში უკეთესი მომავლის შექმნის იმედით. აუცილებელია დამატებითი ძალისხმევის გამოყენება, რათა ხმელთაშუა ზღვაში მიგრანტების გადადგილება უსაფრთხო გახდეს“ - განაცხადა მიგრაციის საკითხებში საერთაშორისო ორგანიზაციის, იტალიური განყოფილების წარმომადგენელმა.
ევროპა მეორე მსოფლიო ომის შემდგომ განიცდის ყველაზე სერიოზულ მიგრაციულ კრიზისს, რომელიც გამოწვეულია პირველ რიგში შეიარაღებული კონფლიქტით და მძაფრი ეკონომიკური პრობლემებით აფრიკის ქვეყნებსა და ახლო აღმოსავლეთში.
არსებული მონაცემებით, 2018 წლის დასაწყისიდან მიგრანტების რიცხვი, რომლებმაც საზღვაო გზების გავლით ევროპამდე მიაღწიეს, 19 ათას ადამიანს აჭარბებს. აქედან მხოლოდ ხემლთაშუა ზღვაში 571 მიგრანტი დაიღუპა. 2017 წლის ამავე პერიოდის მონაცემებით ევროპამდე მიაღწია 44 ათასმა მიგრანტმა, 1091 კი გზაში დაიღუპა.
