SDSU Georgia-ს (სან დიეგოს სახელმწიფო უნივერსიტეტი საქართველოში) მოქმედი პროგრამების საქართველოს ტექნიკურ უნივერსიტეტში გადმოტანის მიზნით შექმნილი კომიტეტი (SDSU to GTU Programs Transition Committee) მუშაობას შეუდგა.
ტექნიკურ უნივერსიტეტში კომიტეტის პირველ სამუშაო შეხვედრას ესწრებოდნენ კომიტეტის წევრები და მიწვეული სტუმრები - SDSU Georgia-სა და „ათასწლეულის გამოწვევის ფონდი - საქართველოს“ წარმომადგენლები.
შეხვედრაზე იმსჯელეს SDSU Georgia-ის გამოცდილებისა და პროგრამების სტუ-ში გადმოტანის გზებზე, რაც აუცილებელია იმისთვის, რომ სამომავლოდ, საქართველოს ტექნიკურმა უნივერსიტეტმა დამოუკიდებლად შეძლოს SDSU Georgia-დან გადმოტანილი ელექტოინჟინერიის, სამოქალაქო ინჟინერიისა და სამშენებლო სპეციალობების საბაკალავრო პროგრამების მდგრადი მართვა. საუბარი შეეხო ლაბორატორიების, ტრენინგებისა და სტუდენტთა გაცვლითი პროგრამების მომზადებასაც.
შეხვედრაზე, არსებული ვითარების გათვალისწინებით, გაიწერა სამოქმედო გეგმა, განისაზღვრა საქმიანობის მიმართულებები და პრიორიტეტები.
კომიტეტის მორიგი სამუშაო შეხვედრები სტუ-ში რეგულარულად, წინასწარშედგენილი გრაფიკის მიხედვით გაიმართება.
