სომხეთის ქალაქ გიუმრში, ლოკომოტივის დეპოს 300 მუშაკმა გაფიცვა გამოაცხადა და ოპოზიციის აქციას შეუერთდა.
"300-მდე დეპოს თანამშრომელი სამსახურში არ მივიდა და ჩვენ სამოქალაქო მიმართულების აქციას შემოუერთდა. ჩვენ მოვითხოვთ სომხეთის პრემიერ-მინისტრის თანამდებობაზე ჩვენი ოპოზიციონერი ლიდერი დეპუტატის, ნიკოლ ფაშინიანის არჩევას“ - აცხადებს აქციის ერთ-ერთი ორგანიზატორი, კარენ მაგარიანი.
ცნობისთვის, ოპოზიციის ლიდერმა ნიკოლ ფაშინიანმა, რომელიც გუშინ არ იქნა არჩეული ქვეყნის პრემიერ-მინისტრად, მოუწოდა თავის მომხრეებს 2 მაისს დილიდან ჩაეტარებინათ სამოქალაქო დაუმორჩილებლობის ტოტალური აქცია.
ერევანში გადაკეტილია რამდენიმე საავტომობილო გზა, ასევე აეროპორტის გზატკეცილი.
