ამერიკულმა სასამართლომ ირანს, 11 სექტემბრის თავდასხმის მსხვერპლთა ნათესავებისთვის, მილიარდი დოლარის გადახდა დაავალა. იტყობინება გამოცემა The Hill სასამართლო დოკუმენტებზე დაყრდნობით.
სასამართლომ ირანის ისლამური რესპუბლიკა, ისლამური რევოლუციის გვარდიის კორპუსი და ირანის ცენტრალური ბანკი დამნაშავედ ცნო, 1008 ადამიანის სიკვდილში. ამასთან დაკავშირებით ირანის ხელისუფლებამ გარდაცვლილის ნათესავებს კომპენსაცია უნდა გადაუხადოს.
კომპენსაციის ოდენობა შემდეგნაირად განისაზღვრება: 12.5 მილიონი დოლარი - გარდაცვლილი მეუღლეებისთვის; 8.5 მილიონი - მშობლების და ბავშვებსთვის; ხოლო 4.25 მილიონი დოლარი - გარდაცვლილი ძმებისთვის და დებისთვის.
მიუხედავად იმისა, რომ სპეციალურ კომისიას, რომელიც 11 სექტემბრის ტერაქტებს იძიებს, არ ჰქონდა ნაპოვნი პირდაპირი მტკიცებულება, ნიუ-იორკის სასამართლომ ჩათვალა საკმარისად გადაწყვეტილების მისაღებად, რომ თეირანმა სავარაუდოდ ფინანსური დახმარება გაუწია „ალ-ქაიდას“ ტერორისტულ ჯგუფს.
