საქართველოს პრეზიდენტს, რომელიც პარლამენტში ყოველწლიური ანგარიშის წარსადგენად მივიდა, დეპუტატებმა ტაში არ დაუკრეს. პრეზიდენტს ტაშით მხოლოდ მინისტრები მიესალმნენ.
პარლამენტში პრეზიდენტის ყოველწლიური ანგარიშის მოსმენა დაიწყო. პრეზიდენტის მოხსენების მოსასმენად პარლამენტში იმყოფებიან მთავრობის წარმომადგენლები და სხვა სახელმწიფო ინსტიტუტების ხელმძღვანელი პირები.
გიორგი მარგველაშვილის მოხსენების შემდეგ შესვენება გამოცხადდება, რის შემდეგაც პლენარული სხდომა დებატების ფორმატში განახლდება.
პოლიტიკურ დებატებში გამოსვლებისთვის უმრავლესობასა და უმცირესობას ეძლევა თითოეულს 45 წუთი, ფრაქციასა და პარლამენტის სხდომის თავმჯდომარეს – თითოეულს 15 წუთი, ვიცე-სპიკერებს – 10-10 წუთი, პარლამენტის წევრს, რომელიც არ არის გაერთიანებული არც ერთ ფრაქციაში – 5 წუთი.
ქვეყნის მდგომარეობის უმნიშვნელოვანეს საკითხებზე ყოველწლიური ანგარიში გიორგი მარგველაშვილის რიგით მე-5ოხსენებაა. არსებული საპრეზიდენტო ვადის ფარგლებში კი - ბოლო.
