სომხეთის პარლამენტის სხდომა დილიდან ვერ დაიწყო. 105 დეპუტატიდან სხდომაზე მხოლოდ 29 დეპუტატი დარეგისტრირდა. ქვორუმისთვის კი 53 დეპუტატია საჭირო.
საკანონმდებლო ორგანოს რეგლამენტის თანახმად, პარლამენტის სხდომა უფლებამოსილია, თუკი დადგენილი წესით დარეგისტრირდება დეპუტატების უმრავლესობა. მათი საერთო რაოდენობა 105 შეადგენს. თუკი დარეგისტრირებული დეპუტატების რიცხვი ქვორუმისთვის არაა საკმარისი, მაშინ რეგისტრაცია გაგრძელდება მის შევსებამდე, არაუგვიანეს 4 საათისა.
შეხვედრის დაწყებამდე, ფრაქცია „ცარუკიანის“ დეპუტატმა განაცხადა, რომ პოლიტიკური ძალა ბოიკოტს უცხადებს პარლამენტს შექმნილი სიტუაციის გამო.
„ქვეყანაში შექმნილი უპრეცენდენტო მდგომარეობის გამო, ჩვენი ფრაქცია ოთხი დღის განმავლობაში უცხადებს ბოიკოტს პარლამენტს“ - აცხადებს დეპუტატი.
