პოლიციამ პარიზში დემონსტრანტების მიმართ ცრემლსადენი გაზი და წყლის ჭავლი გამოიყენა.
1 მაისის აქცია დღეს პარიზში, ბასტილიის მოედანზე დაიწყო. კოლონაში მონაწილეობდნენ შავებში გამოწყობილი ახალგაზრდები, სახეზე ნიღბებით. პოლიციის ინფორმაციით, მათი რაოდენობა 1200 ადამიანს აჭარბებდა. მსვლელობის ფარგლებში პროვოკატორებმა დაიწყეს ვიტრინების დამსხვრევა რესტორნებსა და კაფეებში. მათ შორის დაარბიეს მაკ დონალდსის შენობა და გადაწვეს მანქანები.
პოლიცია, რომელიც თავდაპირველად არ ახდენდა რეაგირებას მომხდართან დაკავშირებით საბოლლოდ იძულებული გახდა ჩარეულიყო და გამოეყენებინა ცრემლსადენი გაზი და წყლის ჭავლი პროვოკატორების წინააღმდეგ.
