"ამერიკული ტანკსაწინააღმდეგო კომპლექსი "ჯაველინი" დონბასში სიტუაციას არ შეცვლის" - მიიჩნევს პენტაგონის ყოფილი თანამშრომელი და პენსილვანიის უნივერსიტეტის, ბაიდენის ცენტრის ანალიტიკური დირექტორი, მაიკლ კარპენტერი. ამის შესახებ მან თავის Twitter-ზე დაწერა.
"არ ღირს ილუზიის შექმნა, თითქოს ჯაველინი შეცვლის თამაშის წესებს“ - აღნიშნავს კარპენტერი.
მისი აზრით, უკრაინას ურჩევნია ჯარი შეცვალოს და გაზარდოს გადამზადების დონე. ამ მონაცემებით უკრაინის სამხედრო ძალებს ესაჭიროება სასწრაფო დახმარება.
"აუცილებელია გვახსოვდეს, რომ უკრაინა იხდის ამ რაკეტებისთვის. ხოლო გრძელვადიან პერსპექტივაში მისთვის უკეთესი იქნებოდა თავდაცვის ინდუსტრიის რეფორმირება ტანკსაწინააღმდეგო იარაღის დამოუკიდებელი წარმოებისთვის", - განაცხადა მან.
ცნობისთის, აშშ-ს ადმინისტრაციამ 2017 წელს კიევისთვის იარაღის მიწოდება დაამტკიცა. მათ შორის ტანკსაწინააღმდეგო სარაკეტო კომპლექსი "ჯაველინის". ორშაბათს, სახელმწიფო დეპარტამენტის ოფიციალურმა წარმომადგენელმა განაცხადა, რომ "ჯაველინი" უკვე გადაეცა უკრაინას.
