ბორჯომის მუნიციპალიტეტის სოფელ საკირეს ტყეში გაჩენილი ხანძარი ლოკლიზებულია. ხანძრის შედეგად, 2 ჰა ტყის მასივი დაიწვა. ამის შესახებ „ჯი-ეიჩ-ენს“ საგანგებო სიტუაციების მართვის სამსახურში განუცხადეს.
ადგილზე სახანძრო-სამაშველო ტექნიკა და 60 მეხანძრე-მაშველი მუშაობდა. მათ ცეცხლის კერამდე მისვლა უჭირდათ, რადგან ხანძარი მიუვალ ადგილზე იყო.
ცნობისთვის, ცეცხლი საკირეს ტყეში გუშინ გაჩნდა. ხანძარი ხმელ ხეებსა და ბუჩქებს გაუჩნდა.
