BBC-ის ჟურნალისტი, აჰმად შაჰი ავღანეთის აღმოსავლეთში, ხოსტის პროვინციაში დაიღუპა. ორშაბათის ტერაქტების სერიას 40-მდე ადამიანი ემსხვერპლა. მათ შორის პრესის სხვა წარმომადგენლები.
აჰმად შაჰი 29 წლის იყო და ავღანეთის BBC-ს ოფისში წელიწადზე მეტ ხანს მუშაობდა.
"შაჰი პოპულარული ჟურნალისტი იყო" - განაცხადა BBC-ის სამსახურის ხელმძღვანელმა ჯემი ანგუსმა.
ადგილობრივი მოსახლეობის თქმით, თავდასხმის დროს ჟურნალისტი ველოსიპედით გადაადგილდებოდა. ის მძიმე ჭრილობებით საავადმყოფოში გადაიყვანეს, სადაც ტრავმების სიმძიმის გამო გარდაიცვალა.
აღსანიშნავია, რომ ეს უკვე მეხუთე BBC-ის თანამშრომელია, რომელიც ავღენეთის ომში დაიღუოპა.
გასულ წელს საერთაშორისო ორგანიზაციამ „რეპორტიორები საზღვრებს გარეშე“, ავღანეთი დაასახელა მსოფლიოში მესამე ყველაზე სახიფათო ქვეყნად ჟურნალისტებისთვის.
