საქართველოს პრეზიდენტმა ევროპისა და ევრაზიის საკითხებში აშშ-ის სახელმწიფო მდივნის თანაშემწესთან ვეს მიტჩელთან შეხვედრაზე "აშშ-ს მხარდაჭერის აქტის შესახებ" ვაშინგტონში ვიზიტისას გაკეთებული ინიციატივა განიხილა.
ვეს მიტჩელთან შეხვედრაზე, რომელიც თბილისში ევროპული დიპლომატიური ტურნეს ფარგლებში იმყოფება, პრეზიდენტმა ვრცლად ისაუბრა აშშ-ი ვიზიტის შთაბეჭდილებებზე და შედეგებზე, საქართველო - ამერიკის ორმხრივი ურთიერთობების განვითარებაზე და იმ შესაძლებლობაზე, რომელიც ურთიერთობების უფრო მეტად გაღრმავების და ინტენსიფიკაციის საშუალებას ქმნის.
საქართველოს პრეზიდენტის საერთაშორისო მდივნის თენგიზ ფხალაძის განცხადებით, ჩვენს ქვეყნებს შორის თანამშრომლობის განვითარება უაღრესად მნიშვნელოვანია ისეთ საკითხებში, როგორიცაა საქართველოს თავდაცვისუნარიანობა, ეკონომიკური კავშირები და ორმხრივი ურთიერთობების დღის წესრიგში არსებული სხვა საკითხები.
შეხვედრისას ასევე განიხილეს ნატო-ს მომავალი სამიტისათვის მზადების საკითხები და ის ნაბიჯები, რომლებიც კოორდინირებულად, ჩვენს პარტნიორებთან და უპირველეს ყოვლისა აშშ-სთან ერთად უნდა გადაიდგას.
