"საქსტატის" ინფორმაციით, 2018 წლის პირველი იანვრის მდგომარეობით, საქართველოს მოსახლეობის რიცხოვნობამ 3 მლნ 729,6 ათასი კაცი შეადგინა და წინა წელთან შედარებით 0,1 პროცენტით გაიზარდა.
მათივე ინფორმაციით, 2017 წელს დაფიქსირდა დადებითი ბუნებრივი მატება (სხვაობა ცოცხლად დაბადებულთა და გარდაცვლილთა რიცხოვნობას შორის) და 5 471 ადამიანი შეადგინა.
"საქსტატის" ცნობით, წინა წელთან შედარებით, მამაკაცების წილი მთელ მოსახლეობაში 0,3 პროცენტით გაიზარდა და შეადგინა 1 მლნ 791,6 ათასი კაცი, ხოლო ქალების წილი 0,1 პროცენტით შემცირდა და 1 მლნ 938,1 ათასი შეადგინა.
საქართველოს მოსახლეობის 48 პროცენტი მამაკაცი, ხოლო 52 პროცენტი – ქალია.
