„ბათუმის სამედიცინო ცენტრის“ ბაზაზე სოციალური საწარმო „ადამიანები მოქმედებაში“ გაიხსნა. საწარმოში ფსიქიკური სერვისების მიმღები ბენეფიციარები არიან დასაქმებულები.
სამუშაო პროცესს დღეს აჭარის ფინანსთა და ეკონომიკის მინისტრი რამაზ ბოლქვაძე, აჭარის ჯანდაცვის მინისტრი ზაალ მიქელაძე და აჭარის უმაღლესი საბჭოს თავმჯდომარე დავით გაბაიძე საკანონმდებლო ორგანოს სხვა წარმომადგენლებთან ერთად გაეცნენ.
საწარმოში ბენეფიციარების ჩართულობით პურ-ფუნთუშეული და ტკბილეული მომზადდება. დაწესებულების მთავარი პარტნიორი შპს „ბათუმის სამედიცინო ცენტრია“, რომელიც ყოველდღიურად 200-მდე ბენეფიციარს კვებით უზრუნველყოფს, შესაბამისად, საწარმოში დამზადებული პურ-ფუნთუშეულის შეძენას და სტაციონარში შეტანას სწორედ აღნიშნული კლინიკა გეგმავს.
სოციალური საწარმო ფსიქიკური სერვისების მიმღები პირების დასაქმების, საზოგადოებაში ინტეგრაციისა და სტიგმის დამარცხების მიზნით საგრანტო პროექტის ფარგლებში შესაბამისი დანადგარებით აღიჭურვა და ამოქმედდა.
სოციალური საწარმო მიზანი ფსიქიკური სერვისების მიმღები ქალბატონების დასაქმება, მათი რესოციალიზაცია, ცხოვრების ხარისხის გაუმჯობესება და პროფესიული უნარ-ჩვევების განვითარებაა
