საქართველოდან ირანში 1000 ცხვრის ექსპორტი განხორციელდა. როგორც სააგენტო "ჯი-ეიჩ-ენს" სოფლის მეურნეობის მინისტრმა ბაკურ კვეზერელმა განუცხადა, ირანში ქართულ ცხვარზე მოთხოვნა იზრდება და დღეს ირანის მიმართულებით 1000 ერთეული ცხვარი გაიგზავნა.
"მნიშვნელოვანია, რომ ქართული პროდუქცუაზე მოთხოვნა იზრდება. წლის ბოლომდე აზიურ ბაზარზე 350 ათასი ცხვრის ექსპრტი გვაქვს დაგეგმილი, რაც ჩვენი ქვეყნის ეკონომიკური განვითარებისათვის დადებითი ფაქტორია. მნიშვნელოვანია, რომ ქვეყანაში ახალი საექსპორტო პროდუქცია გამოჩნდა, რაც ახალ ბაზრებზე გასვლის წინაპირობაა", _ განუცხადა "ჯი-ეიჩ-ენს" ბაკურ კვეზერელმა.
მინისტრის თქმით, მიმდინარე წლის 7 თვეში საქართველოდან 10 ათასი ცხვარი უკვე ექსპორტირებულია.
სტატისტიკური ინდორმაცით, 2009 წელს საქართველოდან 17 მლნ. 343 ათას 198 დოლარის ღირებულების 267 ათას 144 ცხვრის ექსპორტი განხორციელდა. თითო საშუალოდ 54 დოლარად. 2009 წელს ქართული ცხვრის ექსპორტი სომხეთში, იორდანიაში, საუდის არაბეთში, ლიბანში და აზერბაიჯანში განხორციელდა.