დღეს, ბერლინის ცენტრალურ ნაწილში მცხოვრებ მოსახლეობას და აქ მომუშავე მოქალაქეებს მოუწევთ სახლებისა და სამსახურის დატოვება, რადგან ექსპერტები შეეცდებიან გაანეიტრალონ მეორე მსოფლიო ომის დროინდელი, ჯერ კიდევ პოტენციურად საშიში ბომბი.
გარდა ამისა, ექსპერტები ითხოვდნენ, სატრანსპორტო კავშირის მთლიან შეზღუდვას. რის შედეგადაც რამდენიმე საათის განმავლობაში ბერლინის ცენტრში არ იმოძრავებს მატარებელი, ავტობუსი და ტრამვაი. ასევე "ტეგელის“ აეროპორტში რამდენიმე საერთაშოორისო რეისის გადადებაც მოხდა.
ცნობისთვის, დედაქალაქის ცენტრში მიმდინარე მშენებლობაზე მუშებმა აღმოაჩინეს 500 კილოგრამიანი ბრიტანული ბომბი. სავალდებულო ევაკუაციის ზონა უკვე განისაზღვრა ხელისუფლების მიერ. ეს არის 800 მეტრიანი რადიუსი, რომელიც ცენტრალური რკინიგზის სადგურის მახლობლად მდებარეობს. ყოველდღიურად სადგური 300 000 მგზავრს ემსახურება. ამ რადიუსში მდებარეობს ასევე ეკონომიკის სამინისტრო, სამხედრო ჰოსპიტალი, ხელოვნების გალერეა, მუზეუმი და სხვა ობიექტები.
