„მირზა სუბელიანი პროკურატურას აშანტაჟებს, რომ სხვა შესაძლო დამნაშავე არ გამოიკვეთოს“, - აღნიშნულის შესახებ ხორავას ქუჩაზე მოკული დავით სარალიძის მამამ, ზაზა სარალიძემ ჟურნალისტებთან განაცხადა.
სარალიძე დარწმუნებულია, რომ დღეს დაკითხულ მოწმეზე, რომელმაც ჩვენება ხუთჯერ შეცვალა, ზეწოლა განხორციელდა.
„უკვე ნათელია, რომ ამ მოწმეზე ძალიან დიდ ზეგავლენას ახდენენ ვიღაც-ვიღაცეები. უკვე დარწმუნებული ვარ, რომ მირზა სუბელიანი აშანტაჟებს პროკურატურას, რომ არ გამოიკვეთოს სხვა შესაძლო დამნაშავე. ჩემი ინფორმაციით, რომელიც ძალიან მყარია, ორი მკვლელი გარეთ დადის. ერთ-ერთი არის უკვე დაკითხული მოწმე. მ.კ. წესით დღეს დაკავებული უნდა იყოს იმის გამო, რომ სასამართლოზე მიცემული ჩვენება მეორე პროცესზე შეცვალა. თუმცა ამაზე პროკურატურისგან რეაგირებას ვერ ვხედავ და გამოდის რომ მას ხელს აფარებს“, - აცხადებს ზაზა სარალიძე.
