სომხეთის ყოფილი პრეზიდენტი სერჟ სარგსიანი დღეს პარლამენტის სპეციალურ სხდომაზე ქვეყნის პრემიერ-მინისტრად აირჩიეს. 17-94-ის წინააღმდეგ. წარდგენილ ერთადერთ კანდიდატურას დეპუტატთა უმრავლესობამ მხარი დაუჭირა.
"თქვენ ხმას აძლევთ სტაბილურობას და კეთილდღეობას. საპარლამენტო რესპუბლიკა - ეს არის ჩვენი ქვეყნის ახალი ერა“ - განაცხადა ხმის მიცემის წინ სერჟ სარგსიანმა. მისი კანდიდატურა მმართველმა რესპუბლიკურმა პარტიამ წამოაყენა.
ცნობისთვის, ერევანის ცენტრალურ ქუჩებში, ტარდება მასიური აქციები რადიკალი დემონსტრანტების მხრიდან სარგისიანის კანდიდატურის წინააღმდეგ. პოლიცია მომიტინგეებისგან არაკანონიერი ქმედებების შეწყვეტას ითხოვს. ოპოზიციური პარტიის ლიდერმა და სომხეთის პარლამენტის დეპუტატმა, ნიკოლ პაშინიანმა დღეს გააკეთა განცხადება, რომ "ქვეყანა რევოლუციური სიტუაციისთვის მწიფდება".
