ტურიზმის დეპარტამენტის თავმჯდომარის თანამდებობაზე ეკონომიკისა და მდგრადი განვითარების მინისტრმა ვერა ქობალიამ ინგლისში მცხოვრები ქართველი მაია სიდამონიძე დაასახელა.
ვერა ქობალიას განცხადებით, სიდამონიძე ამ მომენტში ლონდონში ცხოვრობს და აგვისტოს შუა რიცხვებში საქართველოში ჩამოვა და დეპარტამენტში მოღვაწეობას შეუდგება.
მინისტრის თქმით, ტურიზმის დეპარტამენტის ახალ თავმჯდომარე ტურიზმის სფეროს სპეციალისტია. მან ბაკალავრიატის განათლება შვეიცარიაში მიიღო, ხოლო შემდგომ მაგისტრატურაში სწავლა ინგლისში გააგრძელა.
ეკონომიკისა და მდგრადი განვითარების სამინისტროსთან არსებულმა საკონკურსო კომისიამ ტურიზმისა და შესაბამისი ინფრასტრუქტურის განვითარების ამსახველი 109 საკონკურსო განაცხადიდან 10 საუკეთესო შეარჩია. კომისიის შემადგენლობაში იყვნენ პარლამენტის, არასამთავრობო სექტორისა და მედიის თვალსაჩინო წარმომადგენლები. კომისიას ხელმძღვანელობდა ეკონომიკისა და მდგრადი განვითარების მინისტრი ვერა ქობალია.
"ყვლა პროექტი კომისიის წევრებთან ერთად წავიკითხე და მინდა გითხრათ რომ ყველა საკმაოდ დეტალური პროექტები იყო. ქულების შეკრების შედეგად გამარჯვებული პროექტი გამოვავლინეთ. მაია სიდამონიძეს ქონდა ტურიზმის განვითარების იდეები როგორც შიდა ტურიზმის განვითარებისათვის ასევე უცხოელების მოსაზიდად. სიდამონიძის პროექტის განსახორციელებლად ძალიან დიდი ბიუჯეტი არ დასჭირდება. მისი პროექტის შემადენელი ნაწილი იყო რეკლამების განთავსება ყველა სამიზე ბაზარზე"- განაცხადა ვერა ქობალიამ.
მინისტრის თქმით, კომისიას საბოლოოდ ორო პროექტი გადაარჩია საიდანაც ერთი მაია სიდამონიძის პროექტი იყო, ხოლო მეორე პროექტის ავტორს ტურიზმის დეპარტამენტში სათანადო თანამდებობა შეეთავაზება.
"პროექტების მიხედვით რამოდენიმე ადამიანს შევთავაზებთ პოზიციებს ტურიზმის დეპარტაენტში. საბოლოოდ ორი პროექტი შეირჩა ერთი იყო სიდამონიძის პროექტი ხოლო მერე ადამიანს ჯერ დეპარტამენტში თანამდებობა მინდა შევთავაზო და თუ ის დათანხმდება ამის შემდეგ მისი ვინაობა ყველასათვის გახდენა ცნობილი", - განაცხადა მინისტრმა.
ეკონომიკისა და მდგრადი განვითარების მინისტრი მაია სიდამონიძესთან თავდაპირველად ერთ წლიან კონტრაქტს გააფორმებს.
ეკონომიკისა და მდგრადი განვითარების სამინისტროში კონკურსი თემაზე "საქართველოს ტურიზმისა და შესაბამისი ინფრასტრუქტურის მოკლევადიანი და გრძელვადიანი განვითარება" 12 ივლისს გამოცხადდა. კონკურსის გამოცხადების მიზანია - საქართველოს, როგორც ტურისტული ქვეყნის იმიჯის პოპულარიზაცია; ხელი შეუწყოს ტურისტთა შემოყვანისა და შიდა ტურიზმის განვითარების პროცესს; ტურიზმის სფეროში დასაქმებულ კერძო მეწარმეებისათვის ხელის შეწყობა; მსოფლიო ტურისტულ ბაზარზე გასვლა, დამკვიდრება. ამასთანავე, პროექტი ხელს შეუწყობს - ტურიზმის მარკეტინგის, საერთაშორისო ბიზნესის, ინოვაციური და სტრატეგიული კუთხით კვალიფიცირებული და კრეატიული კადრების გამოვლენას.
კონკურსში მონაწილეობის მიღება შეეძლო საქართველოს მოქალაქეს, უმაღლესი განათლებით ბიზნესის ადმინისტრირებაში, ტურიზმის მენეჯმენტსა და ეკონომიკაში, ან ჩამოთვლილ პოზიციებზე არა ნაკლებ 5 წლიანი სამუშაო გამოცდილებით. გამარჯვებული პროექტი უნდა შეირჩეს ტურიზმის განვითარების სახელმწიფო პოლიტიკის პრიორიტეტებისა და საკითხის აქტუალობის შესაბამისად.