თბილისის საქალაქო სასამართლოში ტერორისტული ორგანიზაციისათვის და ტერორისტებისთვის მხარდაჭერაში ბრალდებულების პირველი არსებითი სხდომა მიმდინარეობს.
დღეს მხარეები შესავალ სიტყვას წარმოთქვამენ.
"დღეს შესავალ სიტყვას წარმოვთქვათ, რა დროსაც ყურადღებას გავამახვილებთ ყველა იმ მტკიცებულებაზე, რომელიც 4-თვიანი გამოძიების პროცესში ამ საქმეზე მოვაგროვეთ. ასევე, დღეს სასამართლოს ყურადღებას გავუმახვილებთ ყველა იმ მტკიცებულებაზე, რომელიც თითოეული ბრალდებულთან დაკავშირებით სასამართლოს შეუქმნის სრულ სურათს მომხდარ დანაშაულში ამ ბრალდებულების მონაწილეობის და მათი როლის შესახებ. მოგეხსენებათ, გამოძიებას აღნიშნული საქმის დასასრულებლად 4 თვე დასჭირდა. ამ ხნის განმავლობაში საქმეზე უამრავი მტკიცებულება მოვაგროვეთ, 100-ზე მეტი მოწმე დაიკითხა, 100-ზე მეტი ექსპერტიზა ჩატარდა, სხვადასხვა მოქმედებების შედეგად ამოღებულ იქნა სხვადასხვა სახის ნივთიერი მტკიცებულებები, რასაც სასამართლოზე არსებითი განხილვისას გამოვიკვლევთ",- განაცხადა საქმის პროკურორმა, ნანა ხუნჯუამ.
ცნობისთვის, სუს-ის მიერ ჩატარებული სპეცოპერაციის შედეგად დაკავებული 6 პირიდან, 4- ს ბრალი ტერორისტებისთვის ხელშეწყობაში, ხოლო 2 პირს, ტერორისტული ორგანიზაციის წევრობაში ედება ბრაკი, ერთ- ერთს ასევე ბრალი ედება საქართველოში ტერორისტული მიზნით შემოსვლაში.
