„არსებობს საკითხები, რაზეც გამოძიების ინტერესებიდან გამომდინარე ვერ ვისაუბრებ. დაკავებული ჯერჯერობით არავინ არის“, - განაცხადა ჟურნალისტებთან საუბრისას ბათუმის საზღვაო ჰოსპიტალის იურისტმა, პაატა ბოლქვაძემ.
მისი ინფორმაციით, კლინიკიდან ნარკოტიკული საშუალების რამდენიმე ათასი ამპულა დაახლოებით ერთი თვის წინ დაიკარგა.
"გამოძიება დაწყებულია. არსებობს საკითხები, რაზეც გამოძიების ინტერესებიდან გამომდინარე ვერ ვისაუბრებ. დაკავებული ჯერჯერობით არავინ არ არის. შემთხვევა სავარაუდოდ, ბოლო ერთი თვის განმავლობაში მოხდა. მუშაობა არ შეფერხებულა და ჩვეულ რეჟიმში მიმდინარეობს",- აცხადებს ბოლქვაძე.
ცნობისთვის, ბათუმში, საზღვაო ჰოსპიტალიდან, რომელიც მართვაში კომპანია ''მედ-ემერჯენსს'' აქვს აღებული, რამდენიმე ათასი ამპულა ნარკოტიკული საშუალება დაიკარგა.
მომხდართან დაკავშირებით, შსს-მ გამოძიება სისხლის სამართლის კოდექსის 269 - ე მუხლით დაიწყო, რაც ნარკოტიკული საშუალების ან პრეკურსორის დამზადების, წარმოების, მიღების, აღრიცხვის, გაცემის, შენახვის, გადაზიდვის, გადაგზავნის ან შემოტანის წესის დარღვევას გულისხმობს.
