ეკონომიკისა და მდგრადი განვითარების სამინისტროს ტურიზმის ეროვნული ადმინისტრაცია 2017 წლის ანგარიშის პრეზენტაცია გამართა. ღონისძიებას გაეროს მსოფლიო ტურიზმის ორგანიზაციის გენერალური მდივანი ზურაბ პოლოლიკაშვილი, საქართველოს პირველი ვიცე-პრემიერი ეკონომიკისა და მდგრადი განვითარების მინისტრი დიმიტრი ქუმსიშვილი, მინისტრთა კაბინეტისა და პარლამენტის წევრები, ასევე ტურიზმის ინდუსტრიის წარმომადგენლები დაესწრნენ.
80- გვერდიან ანგარიშში 2017 წლის სტატისტიკური მონაცემები, ტურიზმის ეროვნული ადმინისტრაციის განხორციელებული პროექტები, მარკეტინგული კამპანიები, საერთაშორისო ტურისტული გამოფენები, გაცნობითი და პრესტურები ტურები, პუბლიკაციები სხვადასხვა ღონისძიებებია მიმოხილული.
2017 წელს საქართველომ 7,554,936 საერთაშორისო მოგზაურს უმასპინძლა. ზრდა +18.8%
უცხოელი მოგზაურების, ანუ ტურისტები, რომლებმაც 24 საათი და მეტი დაჰყვეს ქვეყანაში 3,478,932 შეადგინა. ზრდა +27.9%
საქარველოს ცნობადობის ამაღლების და დამატებითი ვიზიტორების მოზიდვის მიზნით ადმინისტრაციამ მონაწილეობა მიიღო 22 საერთაშორისო ტურისტულ გამოფენაში.
საქართველოს როგორც ტურისტულად მიმზიდველი ქვეყნის რეკლამირების მიზნით, ტურიზმის ეროვნულმა ადმინისტრაციამ მთელი წლის განმავლობაში ჩაატარა ინტერნეტმარკეტინგული კამპანია სხვადასხვა ქვეყნებში, რაც ადმინისტრაციის პარტნიორმა კორპორაცია Google-ის ოფიციალურმა წარმომადგენლობამ წარმატებულ პროექტად შეაფასა.
2017 წელს მომზადდა სარეკლამო კამპანია მსოფლიოს წამყვან ტელეარხებზე.
მსოფლიოში აღიარებულმა გავლენიანმა სამოგზაურო გამოცემებმა და პლათფორმებმა საქართველო საუკეთესო ტურისტული მიმართულებების სიაში შეიყვანეს.
