საპარლამენტო კომიტეტების გაერთიანებულ სხდომაზე შინგანა საქმეთა მინისტრის მოადგილემ, ნინო ჯავახაძემ სამომავლო გეგმებზე საუბრისას, ნინო ჯავახაძემ აღნიშნა, რომ იგეგმება ევროპოლში მეკავშირე ოფიცრის გაგზავნა, რაც მისივე თქმით, ნიშნავს იმას, რომ საქართველო უკვე ევროპოლის სრულუფლებიანი პარტნიორი გახდება.
„შესაძლებელი იქნება თანამშრომლობა არა მხოლოდ წვრილმან დანაშაულებებთან მიმართებაში არამედ გლობალურ ტრანსსასაზღვრო დანაშაულზე“, - განაცხადა ჯავახაძემ.
მისივე ინფორმაციით, საქართველოს გაფორმებული აქვს ხელშეკრულება ევროპის საპოლიციო გაერთიანებასთან, რომლის რატიფიცირებაც პარლამენტმა შარშან მოახდინა. ასევე, საქართველოს გაფორმებული აქვს მეკავშირე ოფიცრის და უსაფრთხო კომუნიკაციის არხის შესახებ მემორანდუმები.
