მთავრობის სხდომაზე პრემიერ-მინისტრმა 2010 წლის იანვარ-ივნისის ეკონომიკური მაჩვენებლები შეაჯამა. ნიკა გილაური კომერციული ბანკების აქტიურობით კმაყოფილია.
"ექვსი თვის ეკონომიკური აქტიობის ანალიზი დავასრულეთ და საკმაოდ საინტერესო ციფრებთან გვაქვს საქმე.
ამ დროისათვის მხოლოდ წინასწარი მონაცემები არსებობს და უფრო დეტალურ ანალიზს საზოგადოებას მომდევნო მთავრობის სხდომაზე გავაცნობ.
ექვს თვეში კომერციული ბანკების სასესხო პორთფელი საგრძნობლადაა გაზრდილი. წლის დასაწყისში სასეხო პორთფელი 5.3 მლრდ ლარს შეადგენდა, რომელიც ექვს თვეში 5.9 მლრნ ლარამდეა გაზრდილი. ასევე 3,4 მლრდ ლარიდან 3,9 მლრდ ლარამდეა გაზრდილია დეპოზიტების მოცულობა"- განაცხადა ნიკა გილაურმა
პრემისრ-მინისტრის განცხადებით, იანვარ-ივნისში გაზრდილია ასევე ექსპორტის მაჩვენებლები. გილაურის განცხადებით, ექსპორტის ჯამური მოცულობა გასული წლის ანალოგიურ მაჩვენებლებთან შედარებით 40 %-ითაა მომატებული. სტატისტიკური მონაცემების თანახმად, 2009 წლის ექვს თვეში ექსპორტზე 516 მლნ დოლარის პროდუქცია გავიდა, მაშინ როდესაც 2010 წლის ექვს თვეში, წინასწარი მონაცემებით 719 მლნ დოლარის პროდუქციიაა საზღვარგარეთ გატანილი. პრემიერ-მინისტრის ინფორმაციით, ექვს თვეში გაორმაგებულია ელექტროენერგიის ექსპორტი, ხოლო სოფლის მეურნეობის პროდუქციის ექსპორტის ზრდა წინასწარი მონაცემებით 25 %-ითაა გაზრდილი.