მაისში თბილისი საქმიანი ტურიზმის გამოფენას უმასპინძლებს. ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის საკონვენციო და საგამოფენო ბიუროს ინიციატივით, "B2B Workshop"-ს ფორმატის ფარგლებში" IMG MICE Geography Show" საქართველოში მოეწყობა.
ღონისძიებაზე ექსპონანტ ქვეყნებად წარმოდგენილები არიან: საქართველო, აზერბაიჯანი, სომხეთი, ასევე "დსთ"-ს სხვა სახელმწიფოები.ღონისძიებაში მონაწილეობას მიიღებს ტურიზმის სფეროში მოღვაწე წამყვანი 100-მდე უცხოური კომპანია. გამოფენის ფარგლებში გაიმართება ორმხრივი შეხვედრები.
საქართველოში "IMG MICE Geography Show"-ს ჩატარების მიზანია საქართველო საქმიანი ტურიზმის ცენტრი გახდეს.
პროექტის დეტალები ტურიზმის ინდუსტრიის წარმომადგენლებს ტურიზმის ეროვნული ეროვნული ადმინისტრაციის საკონვენციო და საგამოფენო ბიუროს თანამშრომლებმა გააცნეს.
