"ბორისპოლის" აეროპორტსა და ლოუკოსტერ Ryanair-ს შორის მოლაპარაკებები წარმატებით დასრულდა. აღნიშნულის შესახებ განცხადება, უკრაინის პრემიერ-მინისტრმა ვლადიმირ გროისმანმა მთავრობის სხდომაზე გააკეთა.
„ჩვენ ველოდებით, რომ „ბორისპოლსა“ და Ryanair-ს შორის შეთანხმება ოფიციალურად კვირის ბოლომდე გაფორმდება”, აღნიშნა პრემიერ-მინისტრმა.
პრემიერ-მინისტრის თქმითვე, "ბორისპოლის" აეროპორტი ახალ საფასო პოლიტიკას აამუშავებს, რომლის მიხედვითაც აეროპორტის მოსაკრებელი ყველა ავიაკომპანიისთვის იქნება შემცირებული.
