კვირაობით პოლონეთის ტერიტორიაზე სავაჭრო ობიექტები დაკეტილი იქნება. ახალი კანონის მიხედვით, რომელიც ტურისტებსაც დააინტერესებთ, პოლონეთში სავაჭრო ობიექტებისათვის კვირა დასვენების დღედ გამოცხადდა და მათ მუშაობა აეკრძალათ.
გამონაკლისი შეეხებათ მხოლოდ აფთიაქებს, საკონდიტროებს, ყვავილების მაღაზიებს და ავტოგადასამართ სადგურებზე განთავსებულ მაღაზიებს. სავაჭრო ობიექტები იმუშავებენ მხოლოდ აეროპორტებში და რკინიგზის სადგურებში.
ადგილობრივი მედიის ინფორმაციით, აღნიშნულმა შეზღუდვებმა მაღაზიებში ფასების მატება უკვე გამოიწვია. სასიხარულო ინფორმაციაა ავტოტურისტებისათვის, რადგანაც ავტოგადასამართ სადგურებში განთავსებულ მაღაზიებში ასორტიმენტი უფრო მრავალფეროვანი გახდა.
