ირანის უმსხვილესმა ავიაკომპანია Iran Air-მა გადაწყვეტილება მიიღო და ქალ პილოტებზე ვაკანსია გამოაცხადა. აღნიშნულის შესახებ ინფორმაციას ირანული გაზეთი Tehran Times-ი ავრცელებს.
„ჩვენთვის ძალიან მნიშვნელოვანია, რომ ჩვენს თანამშრომლებს შორის იყვნენ ქალები“, აცხადებს Tehran Times-თან საუბარში, ავიაკომპანიის ხელმძღვანელი ფარზანე შარაფბაფი.
როგორც ცნობილია, ავაკომპანიამ გარკვეულ ვაკანსიებზე მიღება გასულ წელსაც გამოაცხადა, სადაც უპირატესობა ქალებს მიანიჭა. ამ დროისათვის Iran Air-ში დასაქმებულთა 16%-ი ქალია.
აღსანიშნავია, რომ Iran Air-ი საქართველოს მიმართულებით ჩარტერულ ფრენებს უკვე ახორციელებს და გამორიცხული არაა, რომ მალე ავიაკომპანიამ ფრენა თბილისის საერთაშორისო აეროპორტის მიმართულებით ქალი პილოტის ხელმძღვანელობითაც განახორციელოს.
შეგახსენებთ, რომ ირანის უმსხვილესი ავიაკომპანიის Iran Air-ის სათაო ოფისი თეირანში მდებარეობს. ავიაკომპანია ქვეყნის შიგნით 25 მარშრუტზე ოპერირებს, ხოლო ქვეყნის გარეთ, ათობით საერთაშორისი რეისზე დაფრინავს.
