ბათუმში სასაწყობე მეურნეობის მოსაწყობად მთავრობა ინვესტორს ეძებს. ამ მიზნით, აჭარის ფინანსთა და ეკონომიკის სამინისტრო პირობებიან აუქციონზე კახაბრის დასახლებაში მდებარე 10 315 კვ.მ არასასოფლო-სამეურნეო დანიშნულების მიწის ნაკვეთს ყიდის. ობიექტის საწყისი ღირებულება 560 ათასი ლარია და მისი გასხვისება 15 მარტისთვის ჩანიშნულ აუქციონზე იგეგმება. აუქციონის პირობების მიხედვით, ინვესტორი ვალდებულია ხელშეკრულების გაფორმებიდან 12 თვის ვადაში სასაწყობე მეურნეობა მოაწყოს, რისთვისაც 0,8 მლნ ლარის ინვესტიცია უნდა განახორციელოს.
