ირლანდიური „ლოუ-კოსტერი" Ryanair-ი სექტემბრიდან ავიაბილეთებს ევროკავშირის ცალკეული ქვეყნებიდან დიდი ბრიტანეთის მიმართულებით და პირიქით, გარკვეული წინაპირობით გაყიდის. რაც თავის მხრივ Brexit-დან გამომდინარე რისკებს უკავშირდება. აღნიშნულზე ავიაკომპანიის დირექტორმა მარკეტინგის საკითხებში კენი ჯეიკობსმა განცხადება უკვე გააკეთა.
მისი ინფორმაციით, Ryanair-ი 2019 წლიდან Brexit-ის გამო ავიარეისებს შეჩერებას არ აპირებს. ავიაკომპანიის მარკეტინგის დირექტორი მიიჩნევს, რომ ავიაბაზარი აღნიშნულ მოვლენებს ძალიან მშვიდად ხვდება, თუმცა ვალდებულია რისკების შესახებ მგზავრი გააფრთხილოს.
როგორც ცნობილია, დიდი ბრიტანეთის პრემიერ-მინისტრს EASA-ში წევრად დარჩენა უკვე შესთავაზეს. ის ავიაკომპანიები, რომლებიც დიდი ბრიტანეთის მიმართულებით დაფრინავენ ჯერ კიდევ დაკვირვების ეტაპზე არიან და EasyJet-სა და Ryanair-ის ბიზნეს-მოდელებს სწავლობენ.
