მთაწმინდის რაიონში, შინდისში ავტოსაგზაო შემთხვევის შედეგად ერთი ქალი გარდაიცვალა. შემთხვევა გუშინ, გვიან ღამით მოხდა.
არსებული ინფორმაციით, მსუბუქი ავტომობილი ქვეითად მოსიარულე ქალს დაეჯახა, შემდეგ კი - გაზის მილს. ქალი ადგილზე გარდაიცვალა.
როგორც „ჯი-ეიჩ-ენს“ შსს-ში განუცხადეს, მომხდართან დაკავშირებით გამოძიება სსკ-ის 276-ე მუხლის მე-5 ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.
