ამ წუთებში, დამოუკიდებელი ექსპერტი, მაია ნიკოლეიშვილი თემირლან მაჩალიკაშვილის ცხედრის ექსპერტიზის საბოლოო დასკვნას სამხარაულის ექსპერტიზის ბიუროში ეცნობა. ამის შესახებ მან „ჯი-ეიჩ-ენს“ რამდენიმე წუთის წინ განუცხადა.
დასკვნის ხელმოწერის შემდეგ, მას შემდგომი კვლევისთვის გამოძიება წაიღებს.
შეგახსენებთ, თემირლან მაჩალიკაშვილი პანკისში, სპეცოპერაციის დროს დაიჭრა და უგონო მდგომარეობაში რამდენიმე დღის განმავლობაში იმყოფებოდა, 11 იანვარს კი საავადმყოფოში გარდაიცვალა.
სუსის ინფორმაციით, პანკისის ხეობასა და თბილისში ჩატარებული სპეცოპერაციის დროს დაკავებული ხუთი მოქალაქე დაეხმარა აჰმედ ჩატაევს საქართველოს საზღვარზე გადმოსვლაში. დაკავებული პირები 21-22 ნოემბრის სპეცოპერაციის დროს დახოცილ ჯგუფთან ერთად, საქართველოსა და თურქეთში ტერაქტებს გეგმავდნენ. ასევე იგეგმებოდა თავდასხმები საქართველოში მომუშავე დიპლომატიურ კორპუსზე.
