საქართველოს კონკურენციის სააგენტოს თავმჯდომარე, ნოდარ ხადური თსუ ეკონომიკის საერთაშორისო სკოლა ISET-ის, სასერთიფიკატო პროგრამის „ლიდერები განვითარებაში“ გახსნას დაესწრო. ნოდარ ხადურმა მონაწილეებს სიტყვით მიმართა და ყურადღება პროგრამის მნიშვნელობაზე გაამახვილა.
„აღნიშნული სასერთიფიკატო სწავლება-გადამზადება განკუთვნილია იმ პირთა განვითარებისათვის, რომელთაც ეხებათ საჯარო პოლიტიკის შესახებ გადაწყვეტილებების მიღება, ან ამ პროცესში მონაწილეობენ. კერძოდ - ანალიტიკოსებს, პარლამენტის თანამშრომლებს, კერძო და საჯარო სექტორის აღმასრულებელ პირებს, სამოქალაქო საზოგადოების აქტივისტებს, საერთაშორისო ორგანიზაციების წარმომადგენლებს და ა.შ. შესაბამისად, პროფესიონალი კადრის მომზადება და მიმდინარე სამუშაო-სასწავლო კურსის წარმატებულად ჩატარება მნიშნვნელოვანია ჩვენი ქვეყნის ეკონომიკის გაძლიერებისათვის. წარმატებას ვუსურვებ სალექციო კურსის ხელმძღვანელებს და თითოეულ მონაწილეს“, - განაცხადა ნოდარ ხადურმა.
2018 წლის პროგრამაში „ლიდერები განვითარებაში“ საქართველოს კონკურენციის სააგენტოს თანამშრომლებიც მონაწილეობენ. ISET-ის, სასერთიფიკატო პროგრამის გახსნის ცერემონიას ISET-ის პრეზიდენტი ერიკ ლივნი; ევროპის რეკონსტრუქციისა და განვითარების ბანკის ხელმძღვანელი საქართველოში ბრუნო ბალვანერა; JTI-ის კორპორაციული ურთიერთობებისა და კომუნიკაციების განყოფილების დირექტორი ოვიდიუ სერნეი და სხვა მიწვეული სტუმრები დაესწრნენ.
