სასწავლო ინფრასტრუქტურის მოსაწყობად შპს „საერთაშორისო საგანმანათლებლო ცენტრს“ მარნეულში, ა. შაიგის ქუჩა N3-ში მდებარე 3 520 კვ.მ მიწის ნაკვეთი და მასზე განთავსებული შენობა-ნაგებობა საინვესტიციო ვალდებულებებით, 500 000 ლარად გადაეცა.
ახალი კომპლექსი მოიცავს სკოლამდელ სასწავლო დაწესებულებას, სპორტულ-გამაჯანსაღებელ ინფრასტრუქტურას, ენების შემსწავლელ ცენტრს, პროფესიული სწავლების კომპონენტს და გაძლიერებულ სააბიტურიენტო კურსს.
ცენტრი მნიშვნელოვან წვლილს შეიტანს ეთნიკური აზერბაიჯანელების მიერ სახელმწიფო ენის დაუფლებისა და სახელმწიფო ენის გამოყენების პროცესში, რაც მათ ქართულ სახელმწიფოში უფრო მეტი ინტეგრირების შესაძლებლობას მისცემს.
