მე-8 სართულიდან გადავარდნილ მოზარდს ამ წუთებში ღუდუშაურის სახელობის კლინიკაში ოპერაცია უატრდება. ამის შესახებ „ჯი-ეიჩ-ენს“ კლინიკაში განუცხადეს.
„ყველა საჭირო კვლევა ჩაუტარდა და მრავლობითი მოტეხილობით საოპერაციოში აიყვანეს“, - აღნიშნავენ ღუდუშაურის სახელობის კლინიკაში.
არსებული ინფრომაციით, მოზარდს ქვედა კიდურის მოტეხილობა და ხერხემლის დაზიანება აქვს. მას ნეიროქირურგების და ტრავმატოლოგების მიერ ორი ოპერაცია უნდა ჩაუტარდეს.
შეგახსენებთ, რომ მოზარდი დიღმის მასივში მე-8 სართულიდან დღეს გადავარდა. ის ავტოფარეხზე დაეცა.
შსს-ს ინფორმაციით, გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს.
