აჭარაში ნუდისტური პლაჟის მოწყობა იგეგმება. გავრცელებული ინფორმაციით, უახლოეს ხანებში ბათუმში ამერიკული ტურისტული ბიუროს "ვასტე თრეველის" წარმომადგენლობა ჩამოვა და შავი ზღვის სანაპიროს ადგილზე შეისწავლის და საბოლოო გადაწყვეტილებასაც საქართველოში ვიზიტის შემდეგ მიიღებს.
გავრცელებული ინფორმაციით, "ვასტე თრეველს" 14 ათასი კვადრატული მეტრის შეძენა უნდა, სადაც შემდგომ ნუდისტურ პლაჟს მოაწყობს.
ამავე ინფორმაციის თანახმად, ნუდისტური პლაჟის პროექტი ჯერ კიდევ 2008 წელს შემუშავდა, ხოლო მის სავარაუდო ადგილსამყოფელებად ანაკლია და მწვანე კონცხი განიხილებოდა. თუმცა აგვისტოს მოვლენებმა ამ პროექტის განხორციელებას ხელი შეუშალა.
აჭარაში ნუდისტური პლაჯის მოწყობაზე ინფორმაციას არ ფლობს აჭარის მთავრობის მრჩეველთა საბჭოს თავმჯდომარე ნინო ქობალია, რომელიც აწარაში ტურიზმის მიმართულებას კურირებს და აჭარას "ტურიზმის განვითარებაში ეხმარება".
აღნიშნულზე ინფორმაცია არ გააჩნიათ ტურიზმის დეპარტამენტშიც.
უნდა აღინიშნოს, რომ ნუდისტური პლაჟები მსოფლიოს მრავალ საზღვაო კურორტზეა მოწყობილი. ეს არის ცაკლე შემოსაზღვრული ადგილი, სადაც დამსვენებლები "ადამისა და ევას სამოსში" ირუჯებიან.
მსოფლიოს საუკეთესო ნუდისტურ პლაჟებად სახელდებიან: Las Salinas, kunZuli inica (ესპანეთი), South Beach, მაიამაი (აშშ), La Voile Rouge, სან-პროპე (საფრანგეთი), Paradise Beach, კუნძული მიკინოსი (საბერძნეთი), Clifton Beach, კეიპტაუნი (სამხრეტ აფრიკისრესპუბლიკა), Anse de Gouverneur, კუნძული სან ბარტი (ვესტ-ინდოეთი)
