გერმანია მალე ელექტრო ავტობუსებზე გადავა. ევროკომისიამ უკვე დაამტკიცა გერმანიის მიერ მომზადებული ელექტრო ავტობუსების და დასატენი ინფრასტრუქტურის მხარდაჭერის გეგმა, რითაც საბოლოო ჯამში საგრძნობლად შემცირდება ნახშირბადის გამონაბოლქვი.
ასე რომ გერმანიამ, 2021 წლის ბოლოსთვის საზოგადოებრივი ტრანსპორტით სარგებლობის ფარგლებში, ელექტროენერგიაზე მომუშავე ავტობუსების ექსპლუატაციისა და მათი დასატენი სადგურების მშენებლობისათვის 70 მილიონი ევრო უნდა გამოყოს. აღნიშნული თანხა შეესაბამება ევროკავშირის საზოგადოებრივი მხარდაჭერის წესებს და პირობებს.
პროგრამის მიხედვით, გერმანია მხარს დაუჭერს ჩვეულებრივი დიზელის ავტობუსების ნაცვლად, ელექტრო და ჰიბრიდული ავტობუსების შეძენას და მათთვის საჭირო საბაზისო სადგურების შექმნას.
