ამ წუთებში, თბილისის საერთაშორისო აეროპორტში კრიმინალური პოლიციის ყოფილი უფროსის, ზაზა ბაქრაძის კიევიდან ჩამოფრენას ელოდებიან.
აეროპორტის შენობაში სამართალდამცავები არიან მობილიზებული.
ცნობისთვის, ის ბუტა რობაქიძის მკვლელობის საქმეზე სამსახურეობრივი უფლებამოსილების გადამეტების საქმეზე ერთ-ერთი ბრალდებულია.
ბაქრაძემ მასმედიის საშუალებით განაცხადა, რომ შემთხვევის ადგილის ფალსიფიკაციაში მიიღო მონაწილეობა.
აღნიშნულ საქმეზე ბაქრაძეს ბრალი დაუსწრებლად წარედგინა და წინასწარი პატიმრობა შეეფარდა. ის საერთაშორისო ძებნაში იმყოფებოდა.
სავარაუდოდ, მას საქართველოში ჩამოსვლისთანავე დააკავებენ.
