თბილისის საქალაქო სასამართლომ დედაქალაქის ყოფილი მერი , გიგი უგულავა დამნაშავედ ცნო. მას ბრალი თბილისის განვითარების ფონდიდან 48 მლნ. ლარის მითვისება-გაფლანგვაში ედებოდა. თუმცა, მოსამართლის გადაწყვეტილებით, უგულავას სისხლის სამართლის კოდექსის 182-ე მუხლით წარდგენილი ბრალი ამავე კოდექსის 333-ე მუხლით გადაუკვალიფიცირდა, რაც სამსახურებრივი უფლებამოსილების გადამეტებას გულისხმობს.
უგულავას ერთი წლითა და სამი თვით თავისუფლების აღკვეთა შეეფარდა, თუმცა სააპელაციო სასამართლოს მიერ სხვა სისხლის სამართლის საქმეზე გამოტანილმა განაჩენმა შთანთქა დღეს გამოტანილი განაჩენი და შესაბამისად მას სასჯელი მოხდილად ჩაეთვლება.
