შინაგან საქმეთა სამინისტროს განცხადებით, ბათუმში, ტბელ აბუსერიძის ქუჩაზე, საეჭვო ყუთში სუნამოს ცარიელი ფლაკონი აღმოჩნდა.
სამართალდამცავებმა ყუთი მოქალაქის შეტყობინების საფუძველზე შეამოწმეს.
აღსანიშნავია, რომ თავდაპირველად გავრცელდა ინფორმაცია, თითქოსდა ბათუმში განაღმვითი სამუშაოები მიმდინარეობდა, თუმცა ინფორმაციის გადამოწმებისას "ჯი-ეიჩ-ენს" განუცხადებს, რომ ნაღმს არ ეძებდნენ.
"შემოვიდა მოქალაქის შეტყობინება, რომ იპოვა ყუთი რომელიც უპატრონოდ იდო", - განმარტეს უწყებაში.
შემოწმებითი სამუშაოების გამო ტბელ აბუსერიძის ქუჩა გადაკეტილი იყო.
სპეციალისტები ადგილზე დაახლოებით ერთი საათის განმავლობაში მუშაობდნენ.
ქუჩაზე მოძრაობა რამდენიმე წუთის წინ აღდგა.
