პრეზიდენტის ადმინისტრაციის უფროსი გიორგი აბაშიშვილი ეკონომიკურ გამოწვევებზე მომუშავე საკონსულტაციო საბჭოს მორიგ სხდომას დაესწრო, რომელმაც სურსათის უვნებლობის საკითხებთან დაკავშირებით იმსჯელა.
,,როდესაც ვსაუბრობთ ჯანმრთელ ეკონომიკაზე, მისი შემადგენელი ნაწილი სურსათის უვნებლობის თემატიკაა.
ამავდროულად, ღრმა და ყოვლისმომცველი თავისუფალი ვაჭრობის ხელშეკრულება გვავალდებულებს, რომ მთელი რიგი პროდუქციის წარმოების შემთხვევაში, ხარისხი შესაბამისი სტანდარტების მიხედვით იყოს დაცული.
სხვაგვარად ძნელი იქნება ევროკავშირის ბაზარზე დამკვიდრება. სწორედ, ამიტომ, ყოველდღიური მუშაობა გვჭირდება, მათ შორის, ასოცირების დღის წესრიგის ფარგლებში“, - აღნიშნა გიორგი აბაშიშვილმა.
საკონსულტაციო საბჭო საქართველოს პრეზიდენტის სარეზერვო ფონდის ფინანსური მხარდაჭერით ჩამოყალიბდა და პროექტს დემოკრატიისა და სამოქალაქო განვითარების ინსტიტუტი ახორციელებს.
