ესპანეთში ქურდობისა და თაღლითობის ბრალდებით ესპანურ-ქართული ჯგუფის წევრები დააკავეს. ადგილობრივი პოლიციის ინფორმაციით, ოთხი ადამიანისგან შემდგარი ჯგუფის სამიზნე ხანშიშესული და დემენციით დაავადებული ადამიანები იყვნენ.
ბარსელონის პოლიციის საგამოძიებო დეპარტამენტი 2017 წლის ოქტომბრიდან მუშაობდა ამ ჯგუფის საქმეზე. მათივე ცნობით, ჯგუფის წევრებს შორის სამი მამაკაცი და ერთი ქალია.
სამარტალდამცავების ინფორმაციით, თაღლითური ჯგუფის სამოქმედო გეგმა ასე გამოიყურებოდა: ისინი ურეკავდნენ პოტენციურ მსხვერპლს და შემოწმების სამსახურად ეცნობოდნენ. ამის შემდეგ, უნიფორმაში გამოწყობილები მსხვერპლთან მიდიოდნენ და სანამ ერთი მას ლაპარაკით ართობდა, დაჯგუფების დანარჩენი წევრები სახლიდან ძვირფასეულობასა და ფულს იპარავდნენ.
პოლიციის ცნობით, ამ დრომდე დაჯგუფებამ 21 სახლის გაძარცვა მოახერხა.
