საგანგებო სიტუაციების მართვის სამსახურის ინფორმაციით, თბილისში, ბაზრობა თერგში, წინასწარი მონაცემებით, დამწვარია 3 000 კვ.მ-მდე ტერიტორია.
უწყების ინფორმაციით, ხანძარი უკვე ლოკალიზებულია და მიმდინარეობს ხანძრის სალიკვიდაციო სამუშაოები.
შემთხვევის ადგილზე მუშაობდა 40 სახანძრო ჯგუფი. ამ დროისთვის ადგილზე რჩება 30-მდე სახანძრო.
თბილისში, ცაბაძის ქუჩაზე, ბაზრობა „თერგში“ ხანძარი გვიან ღამით გაჩნდა. საგანგებო სიტუაციათა სამსახურში ხანძრის შესახებ შეტყობინება 00:15 საათზე შევიდა. დაშავებულთა შესახებ ამ დროისთვის ინფორმაცია არ ვრცელდება. თბილისის მერის მოადგილის სოფო ხუნწარიას ინფორმაციით, რამდენიმე ადამიანს დასჭირდა სამედიცინო დახმარება, თუმცა როგორც მან აღნიშნა, არა ხანძრის გამო.
