ყვარლის მუნიციპალიტეტის სოფელ შილდაში 68 წლის მამაკაცი გარდაიცვალა.
როგორც Imedinews წერს, ზაურ კორაშვილი ჯერ ძალადობის, შემდეგ კი ავტოავარიის მსხვერპლი გახდა. ადგილობრივების ინფორმაციით, შემთხვევა ორი დღის წინ მოხდა.
"კაცს შვილი და რძალი ფიზიკურად გაუსწორდა ისე, რომ მისი რაიონულ საავადმყოფოში გადაყვანა გახდა საჭირო", - ამბობენ სოფელში.
ნაცემი კაცი დაკითხვიდან სახლში ბრუნდებოდა, რა დროსაც მას ავტომობილი დაეჯახა.
შინაგან საქმეთა სამინისტროს განცხადებით, მომხდარზე გამოძიება სისხლის სამართლის 126-ე ძალადობისა და 276-ე, ტრანსპორტის მოძრაობის უსაფრთხოების ან ექსპლუატაციის წესის დარღვევის მუხლებით აღიძრა.
მათივე ცნობით, დაკავებულია მოძალადე შვილი, რომელსაც ბრალის დამტკიცების შემთხვევაში ოთხიდან ექვს წლამდე თავისუფლების აღკვეთა ემუქრება.
