ბაქოს ქუჩაზე ესტაკადის მშენებლობის პარალელურად, მერიის სამსახურები მთელი დღის განმავლობაში ახორციელებენ მონიტორინგს, რომელიც სატრანსპორტო მოძრაობის სქემის ოპტიმიზაციას გულისხმობს.
შეცვლილი მოძრაობის სქემის მიხედვით, ხვალიდან, 20 თებერვლიდან, #12 და #16 მუნიციპალური ავტობუსების ბოლო გაჩერება, თბილისის მოედანი იქნება.
ახალი სქემით მიხედვით, ბონი-გოროდოკის, თამარის დასახლებისა და მახინჯაურის მიმართულებით მოძრავი მუნიციპალური ტრანსპორტი შავშეთის, მაიაკოვსკისა და გოგოლის ქუჩების გავლით გადაადგილდება.
ქალაქის ცენტრისკენ მუნიციპალური ტრანსპორტი კი, თამარ მეფის გამზირისა და ბაქოს ქუჩის გავლით იმოძრავებს.
მიმდინარე სამუშაოების გამო მოძრაობა ცალმხრივია გოგოლის ქუჩაზე, მაიაკოვსკიდან ნონეშვილის ქუჩის მიმართულებით.
შეზღუდვები ესტაკადის მშენებლობის დასრულებისთანავე მოიხსნება
