საქართველოში 2016 წლის პირველი იანვრიდან მოქმედებს არასრულწლოვანთა მართლმსაჯულების კოდექსი, თუმცა ის მხოლოდ 14 წლიდან მოქმედებს, ბოლო პერიოდში 14-წლამდე მოზარდების მიერ ჩადენილი გახშირებული დანაშაულების გამო, პარლამენტი ბავშვთა კოდექსის ფარგლებში განსახორციელებელ რეფორმაზე მუშაობს.
როგორც ადამიანის უფლებათა დაცვის კომიტეტის თავმჯდომარემ, სოფიო კილაძემ განაცხადა, არასრულწლოვანთა დანაშაულის პრევენცია მნიშვნელოვანია.
"ჩვენთვის მნიშვნელოვანია არასრულწლოვანთა დანაშაულის პრევენცია, ამიტომ ვმუშაობთ ადამიანის უფლებათა კომიტეტში, რა შეიძლება გაკეთდეს ბავშვის კოდექსის ფარგლებში, რათა ასეთი შემთხვევები ავიცილოთ თავიდან. იქნება ეს პრევენციული ღონისძიებები, იქნება ეს ისეთი შემთხვევები, როდესაც უკვე მოხდა შემთხვევა და ბავშვმა ჩაიდინა დევიაციური ქმედება, რა უნდა ვქნათ ამის შემდეგ, ოჯახმა, სახელმწიფომ, რომ უნდა მოხდეს ინფორმაციის მიწოდება ოჯახისთვის, რათა არ მოხვდნენ ბავშვები არასწორ რელსებზე. მნიშვნელოვანია რომ ბალანსი დავიცვათ, ერთი მხრივ ადამიანის უფლებების კუთხით და მეორე სახელმწიფო, საზოგადოების ინტერესის მიმართულებით. ადამიანის უფლებების კუთხით ბავშვების უფლება არის ძალიან მნიშვნელოვანი. ვერ გავიზიარებ იმას, რომ მათ სანქციები დავაკისროთ 14 წლამდე, მაგრამ პრევენცია მნიშვნელოვანია" - განაცხადა სოფო კილაძემ.
