ოფიციალური სტატისტიკის მიხედვით, თურქეთის რესპუბლიკაში უცხოეთის 87 ათასი მოქალაქე მუშაობს, მათ შორის 7 ათასზე მეტი ქართველია.
თურქული მედია წერს, რომ შრომისა და სოციალური დაცვის სამინისტრომ 2017 წელს მუშაობის ნებართვა 87 ათას უცხოელზე გასცა.
ჩატარებული მოკვლევების შემდეგ სამინსიტრომ დაახლოებით 100 ათასი განცხადებიდან 87 ათას 190 დააკმაყოფილა.
არსებული მიმართვებიდან 3 ათას 631 სამინისტრომ არ დააკმაყოფილა, 13 ათასამდე საქმე კი სხვადასხვა მიზეზის გამო უკან დააბრუნა, 1762 მიმართვა კი განხილვის პროცესშია.
სამინისტროს ნებართვით, გასულ წელს თურქეთში მუშაობა 20 ათას 970-მა სირიელმა დაიწყო.
სირიელებს გაცემული ნებართვების რაოდენობით მოსდევს საქართველო - 7317, ყირგიზეთი - 6360, უკრაინა - 5761, ჩინეთი - 4288, თურქმენეთი - 3847, ინდოეთი - 3055, უზბეკეთი - 2465, აზერბაიჯანი - 2449, რუსეთი - 2390.
